11/29/2012

வெறும் புகழ்தான் இங்கு வாழ்க்கையா



கவிதை மழையில் நனையும்போது
உறையும் பனியும் சுடுகிறதா !!!!.......
இந்த விதியை மாற்ற முயலும்போது
உன் மதியில் சஞ்சலம் எழுகிறதா......

பிறர் அருமை பெருமை தெரிந்திருந்தால்
அன்பைச் சிதைக்க மாட்டாயே உன்
வலிமை கொண்ட எழுத்தினாலே
நல் வாழ்வை அழிக்க மாட்டாயே .....

கருவில் இருந்து தெருவில் வந்து
களங்கம் உற்ற பின்னாலும்  இந்த
உயிரைக் குடிக்கத் தூது எதற்கு இனி
ஊன் உடலும் இதனை ஏற்காதே !!...

அமைதிப் பூங்கா நடுவினிலே அன்று
அக்கினிக் குண்டை ஏன் எறிந்தாய்!.....
உன் நிழலைக் கூடக் காணா மனிதரும்
நின்மதி இழந்து தவிப்பதர்க்கா !!!!...........

கருணை உண்டா உன் இதயத்திலே
களங்கம் சொல்லிப் போகின்றாயே
இன்று எரிமலையைப்போல சிதைந்த மனம்
இனியும் அமைதி கொள்ளாதே ....................

வறுமைக் கோடும் வதைக்கா மனதை
சில  வார்த்தை என்றும் அழித்துவிடும்
பிறர் உணர்வைக் கொன்று பெருகும் புகளில்
அப்படி என்ன ஓர் இன்பம் வந்து விடும் !!!!.....
தமிழ் களஞ்சியம் - தமிழ் வலை திரட்டி.

இன்றைக்கு யார் குடியைக் கெடுக்கலாம்


பாரிவள்ளல் போல வந்து
பாச வலை விரித்திடுவார் சிலர்
தன் காரியம் அது முடிந்து விட்டால்
கழுத்தை நெரித்தும் கொன்றிடுவார்!....

நாதி அற்ற யீவனுக்கு ஒரு
போதி மரம் வைத்திடுவார்
இந்த நீதி செத்த உலகத்திலே
நீ அழுது என்ன பயன் ........

காதில் சிதல் வடியுதடா
கண்டவர்கள் பேச்சைக் கேட்டும்
ஓடி ஒளிய இடமில்லாமல் இந்த
ஊரே  கெட்டுப் போனதடா......

வீதி சவக் காடானாலும்
விட்டுக் கொடுக்க மாட்டேன் என்று
தேடி வந்து வம்பிழுத்து இங்கு
தினமும் மகிழும் கூட்டம் பாரு!!!!....

ஆயிரம்தான் இருந்தாலும்
அடுத்த வீட்டுச் செய்தி என்றால்
ஆஹா...ஓடும் மீன் ஓடி அந்த உறுமீன்
வரும் வரைக்கும் காத்திருப்பார்!....

இந்தப் பாரி வள்ளல் குணம் அறிந்து
பக்குவமாய் நடந்து கொள்ளு பின்
மாரி மழையும் தோற்று விடும் உன்னிடத்தில்
மனச் சுமைகள் ஏறிவிட்டால்................!!!!  
தமிழ் களஞ்சியம் - தமிழ் வலை திரட்டி.

இன்னும் என்னதான் வேண்டும்


நூலறுந்த பட்டம் ஒன்று
வானில் பறக்குது அதன்
தோழில் ஏறி நாலு குஞ்சு
கூடப் பறக்குது !!!!...........

காலநிலை அச்சம் ஊட்ட
நெஞ்சம் பதைக்குது இங்கு
வந்த  துயர் மிச்சம் இன்றி
நெஞ்சில் படியுது !...........

ஆரவாரம் செய்யும் புயல்
அடங்க மறுக்குது !!!!.........
தீயில் வீழ்ந்து தீந்து போக
விதியும் அழைக்குது !!!!.....

ஏவு கணைகள் விழித்திருந்து
எங்கும்  நோக்குது இதில்
எந்தப் பாவமும் அறியாமலே
இதயம் வெந்து போகுது !.......

நீதி தேடி அலையும் உயிர்கள்
நெஞ்சம் கொதிக்குது இங்கு
தேடி வந்த அத்தனையும்
தெருவில்க் கிடக்குது !!!!........

சுடு காடு தரும் சுகத்தை இப்போ
மனம் நினைத்துப் பார்க்குது
சும்மா சுற்றிச் சுற்றி வேதனைத் தீ
உடலை வாட்டி எடுக்குது !!....

ஆறுதலைத் தேடி உள்ளம்
அலுத்துப் போனது இங்கு
யாரும் அற்ற ஊரைத் தேடி
உயிர் பறக்கத் துடிக்குது ......

வீறு கொண்டு எழுந்த கணம்
சில விரல்கள் தடுக்குது
இந்த வேதனைக்கு முடிவின்றி
முற்றுப் புள்ளி அகன்றதேன் !!!!.....
தமிழ் களஞ்சியம் - தமிழ் வலை திரட்டி.

2012 உலகம் அழியுமா ?......



இடது புற மார்பினிலே
கையதனை எடுத்து  வைத்து இங்கு
மனம் திறந்து ஒரு வார்த்தை
சொல்லடா மானிடனே .........

நீ மனிதநேயம் உள்ளவனா?....
மனதில் சுமைகள் அற்றவனா?....
தெளிவுடன்தான் இருக்கின்றாயே?....
உனக்கு நின்மதி இருக்கின்றதா?...

அறிவுக் கடலில் முத்தெடுப்பாயா?...
அதனைப் பிறருக்கும் கற்றுக் கொடுப்பாயா?....
நீ வளர் நிலை ஒன்றா'....
உன் வாழ்வினில் மகிழ்ச்சி உண்டா ?.....

பொது உடமை காப்பாயா ?...
போலிகளை அழிப்பாயா ?....
கருணையுடன் நடப்பாயா ?...
கலவரத்தை முறியடிப்பாயா ?...

மனதில் துயர் களைவாயா?...
மங்கையரை மதிப்பாயா ?...
உயர் தர்மம் செய்வாயா?... 
இவ்வுலகத்தைக் காப்பாயா ?...

பிறர் நலன் பேணுவாயா ?...
பின் நின்று உழைப்பாயா?...
உறுதியுடன் வாழ்வாயா ?...
உணர்சிகளைத் துறப்பாயா ?...

புத்தனைப் போல் வாழ்வாயா ?....
புண்ணியங்கள் செய்வாயா?...
பக்தியோடு நடப்பாயா?....
பாவங்களைக் களைவாயா?...

இச்சைகளைத் துறப்பாயா?....
எவ்வினத்தையும் மதிப்பாயா?...
அச்சம் இன்றி நடப்பாயா ?....
அடிமைத் தனத்தை ஒழிப்பாயா?...

உத்தமனாய் வாழ்வாயா?...
உன் உயிர்கொடுத்தும்  காப்பாயா?...
சத்தியமாய்ச்  சொல்கின்றேன் ஆம் என்றால்
இங்கு நீ மட்டும் உயிர் பிழைக்க வேண்டும்......  

தமிழ் களஞ்சியம் - தமிழ் வலை திரட்டி.

வாலில்லாத நாய்தான் என் தாயே நீயும்!.......



வேப்பிலை கரு வேப்பிலை
என்று பெண்களை  நினைத்தாயோ
வேதங்கள் காட்டும் பாதை
அதை இதனால் மறந்தாயோ ........!!!

காப்பினை இட்ட கரம் ஓயாமல்
காலமெல்லாம் பட்ட கஸ்ரம் வீண்போகப்
பெண்பிள்ளை பெற்றால் இங்கு  குற்றம் என்பார்
பெண்ணை மட்டும் நம்பி இங்கு வந்து பிறந்தார்!.....

தன் சுமை போக்கிடவே  பெண்ணை வதைப்பார்
தன்னலத்தின் உச்சத்திலே நின்று மகிழ்வார்
இந்நிலை மாற்றிடவே  வழி பிறந்தால்
இன்னல்களைத் தந்தும் இங்கே வென்றுவிடுவார்!...

பெண் இன விடுதலையைப் போற்றிப் பேசுவார்
பெண்ணடிமைத் தனத்திலும் முன்னிலை வகிப்பார்!!...
இவ்வின ஆண்களுக்கும்   அடிபணிந்துதான் வாழ்வில்
ஏற்றம் இன்றி நீ சேற்றில் மடிந்து போக வேண்டுமா......

தன் வினை என்பது தன்னைச் சுடுமாம்
தக்க சமயத்தில் புண் மீது வேலைப் பாச்சுவோர்
பிறர் சொல்லடியும்  இங்கு பெரும் செல்லடிதான் இதைத்
தாங்கிடவும் எமக்கு என்றும் வேண்டும் துணிவாம் !!!!.....

பெண்ணினம் என்பதே அத்தனை மட்டமா !!!!!..........
பிறர் பேச்சுக்கும் வாள்  வீச்சுக்கும் செத்து மடிய
கண்ணியம் என்பதே பெண்களுக்கில்லையோ!!!!......
இவர்கள் கட்ச்சிக் கொடியை மேலும்  தூக்கிப் பிடிக்க !!!!....

முறம்கொண்டு புலியை விரட்டிய இனமாம் என்றும்
மூக்கினைச் சீறித் தன் செலையில்த் துடைக்கிறார்!.....
நாக்கினை விற்று இங்கு எந்நாளும் ஓர் பிழைப்போ!!!...
செல் வாக்கினை இழந்த கணவனுக்காக !!!!!..........

இந்தக் காப்பியம் எழுதிடப் புத்தகம் தாங்காது
கண்ணகி சரித்திரம் என்றுமே தொடரட்டும்
பிள்ளைகள் மட்டும் நீ ஈன்று குவிக்காதே பின்
அந்தப் பாவத்தை வளர்க்கவும்  நீ தீயினில் குதிப்பாய் ...

செய் நன்றி என்பதே அற்ற உலகம் இதில்
சேதாரம் ஆவது பெண்ணினம் மட்டுமே
கை வினைப் பொருளாய் மாறும் முன் விழித்திடு
காலத்தின் கொடுமைதனை அறிந்து  நீ பழகிடு ...........
தமிழ் களஞ்சியம் - தமிழ் வலை திரட்டி.

11/26/2012

துயிலும் இல்லம் நோக்கி





துயர் படிந்த பாதை எங்கும் மெழுகானார்
உள்ளத் தூய்மையினால் எமக்கிங்கே உயிரானார்
பகைவருக்கும்   பணியாத ஒளியானார்
எம் பாசம் மிகு மாவீரத் திலகங்கள் இங்கே!......


அந்த ஒரு கொடியில் பூத்த மலர் மணம் மாறுமோ
ஓங்கு தமிழ்க் குலத்தினது மொழி மாறுமோ
வறுமையிலும் மாறாத பண்பு மாறுமோ இல்லை
எம்மை மாற்ற எண்ணும் எண்ணம்  அது நீறாகுமோ!....

நடந்து வந்த பாதை அதை நினைத்துப் பாரடா
நம்மவரின் சடலம் இன்றி வேறு ஏதடா !!!!.....
எரித்த உடல் சாம்பலாகி வானில் பறக்குதே இன்னும்
எரியும் உடல் இங்கிருந்து கண்ணீர் வடிக்குதே!....:(

சிலர் நடந்த கதை முடிந்ததென்று பின்னே செல்கிறார்
நரிகளிடம் கூலி வாங்கி வயிறை வளர்க்கிறார்
தமிழனது உள்ளமதை வதை வதைக்கிறார் பின்
தரம் இழந்த பின்னாலும் தன்னைத் தமிழன் என்கிறார்!....

பரந்த கடல் வெளி எங்கும் பார்த்து நிக்குறார்
பாசம் மிகு காவலராய் எங்கள் மாவீரர் அவர்கள் 
இழந்த இரத்தம் உறைவதற்க்குள் இந்த ஆட்டமா!...
எம் இனத்தவனே உனக்கு இது நீதியாகுமா !!!......

தவழ்ந்த தரை மறந்து நீயும் தாவிக் குதிக்கிறாய்
ஏன் தமிழினத்தின் பெயர் கெடுக்க மேலும் அலைகிறாய்....
விரைந்து எப்போ உன் கடனைத் தீர்க்கப் போகிறாய்
என்றும் விடியலுக்காய் வீழ்ந்தவரை வணங்கிச் செல்லடா....

தமிழ் களஞ்சியம் - தமிழ் வலை திரட்டி.

11/25/2012

மாவீரர் நாள் 2012




ஈழத் தாயின் மடிமீது
காரிருளைப்  போக்க வந்துதித்த
கார்த்திகைத்  தீபங்கள்  கண்முன்னே
காட்சி தரும் இந்நாள் எமக்கு பொன்நாளே !...

வானம் கண்ணீர் மழை தூவ
இவ் வையகம் போற்றும் போர் வீரர்
பாதம் தொட்டு  வணங்கிட இன்றே
படை திரண்டு வாரீர் கடல் போல......

ஏழைகள் எங்கள் வாழ்க்கை என்றும்
இருளில் கிடக்கும் நிலை கண்டு
எந்நாளும் துடித்த யீவன்களை
இந்நாளில்க்  காண வாரீர் கடல் போல.....

பாழும் மனதில் பெராசையதால்
படு பாவம் செய்த கயவர்களை
எந்நாளும் அழித்து ஒழித்திடவே
எமக்கெனப் பிறந்த போர் வீர்கள்!.....

இவர்கள் தாகம் என்ன தாகம் இது !!!!.........
என்றும் தணியாத சுதந்திர தாகம்
உடல் வீழும் வரைக்கும் தளராததால் தம்
உடலையும் விதையாய் வீழ்த்திச் சென்றனரே!!!!....

போரினில் சிறந்த போர் வீரர்கள்
இப் புவியினில் எவரெனக் கேட்டாலிங்கே
நாளை இந்த உலகம் சொல்லும்
நம்மவர்  பெயர்கள்  அல்லால் வேறேது !!!!....

தோழில் சுமைகள் தாங்கியபடியே
துரோகிகள் வரவை எதிர்த்து நின்று அன்று
காவல் காத்த தெய்வங்கள் இவர்களைக்
காணக் கடல்போல் திரண்டு வாரீர் ..............:(

எம் மானம் பெரிதென நினைத்தவர்கள்
தம் மனதில் துயரை வடித்தவர்கள்
ஈழத் தாய் எம் தாய் ஈன்றெடுத்த
இனிய புதல்வர்களைக் காண வாரீர்.....!!!!
தமிழ் களஞ்சியம் - தமிழ் வலை திரட்டி.

11/20/2012

ரோஜா மலரே ரோஜா மலரே.....



ரோஜா மலரே ரோஜா மலரே
முள்ளில் ஏனடி விழுந்தாய் நீ...
உடல் கீறிக் கிழித்து பாயும் இரத்த
வெள்ளம் கண்டால்  தாங்காதே !....

கோலம் போடும் கண்ணே  உந்தன்
மனக் கோட்டை சிதைந்தது எதனாலே
அந்த ஆளும்கட்சி தூளாய்ப் போகும்
அடி அடிமைப் பெண்ணே  கலங்காதே !:......
                                       (ரோஜா மலரே ரோஜா.....)

வீரத்தாயின் புதல்வி அம்மா
உன்னை உலகம் அறியாது உன்னை
அறியும் காலம் வந்தால் போதும்
இங்கு  அரக்கர் மனமும் தாங்காது !.......

நீலக் கடல் என சொல்வார் உலகில்
நீருக்கிங்கே நிறம் ஏது இதைப்
பாளாய்ப் போன மனம் உணர்ந்தாலும்
சொல்லும் பழக்கம்  என்றும்  மாறாது !...

வீணாய்ப் போகும் மனிதர் பேச்சு
அவர்கள் விருப்பம் போல  இருக்கட்டும்
பெண்ணே உந்தன் உள்ளத்தழகு
அது என்றும் உயர்ந்தால்  போதுமடி ...

கோளைக்கில்லை பெருமை இங்கே
பொறுமைதானடி வெல்லும் என்று
உன் சேலைத் தலைப்பில் முடிந்து வைத்த
ஒற்றை நாணயம் அது பதில் சொல்லும்!....

ஆரிராரோ ஆரிராரோ ஆரிராரோ ஆராரோ.......
அடி ஆரிராரோ ஆரிராரோ ஆரிராரோ ஆராரோ.....

ஆரிராரோ ஆரிராரோ ஆரிராரோ ஆராரோ.......
அடி ஆரிராரோ ஆரிராரோ ஆரிராரோ ஆராரோ.....
தமிழ் களஞ்சியம் - தமிழ் வலை திரட்டி.

11/18/2012

மணப் பெண் தேவை .....



கண்ணீரில் எரிகின்ற தீபம் இவள் மீது
காற்றுக்கு ஏனிந்த மோகம் !!!............
இல்லாத கறை சூடும் உலகம் இதை
எதிர்த்தாலும் வீண் பழி வந்து சேரும்!...

பெண் என்று பிறந்தாலே பாவம் எங்கும்
பொல்லாங்கு சொல்வோர்க்கு இரையாகும்
கண் என்றும் மணியென்றும் போற்றும்
அன்புப் பெற்றோர்க்கும் துயர் வந்து சேரும்!....

இல் வாழ்க்கை தரும் இந்த சோகம்
எந்நாளும் மறையாத பெரும் துரோகம் ........
முன் நின்று பேசாத வார்த்தை(கள்)  என்றும்
மூலைக்குள் முடங்கித்தான் துயர் தீட்டிச் செல்லும்!....

கல் என்று நினைப்பார்கள் பலரும்
இந்தக் காலத்தில் மனம் கலங்கித்தான் போகும்
என்னென்று சொல்வோம் இவ்வுலகை
பெண் இல்லாமல் யார் வந்தார் இங்கே !............

தன்மானம் சீர்  குலைகின்றபோது
தடு மாறும் பெண்மைக்குள்  என்றும்
பொல்லாத  மரணத்தின் வலிகள் இவை
எந்நாளும் தொடர்ந்தால் அது  தகுமோ!........

மின்சார வேலிக்குள்  சம்சாரமாய் சிலர்
மிளிர்ந்தாலும் மிளிராது போனாலும் அங்கே
ஏன் என்று கேட்காத வாழ்வும்தான் உண்டு
இதற்காகவா பிறந்தாள் பெண் என்று இங்கே!.....

மல் யுத்தம் செய்யும் ஒரு சில மாட்டுக்கு முயல்களை
மணம் முடித்துத்தான் வைத்தால் தாங்காது என்றும்
இவ் வாழ்க்கை சருகாகிப் போனாலும் கூட
இகழாத மனிதர்களும் இங்குண்டோ சொல்லு !!!!.........
தமிழ் களஞ்சியம் - தமிழ் வலை திரட்டி.

11/13/2012

காதோரம் காதல் சொல்லும்


காதோரம் காதல் சொல்லும்
ஓர் பாடல் கேட்டால் போதும்
உடலும் மனமும் தீயில் எரியுது
அடி பெண்ணே உன்னாலே !......
என்னை அளவும் தொழவும்
விட்டுச் சென்ற ஆணவக்காரி நீதானே !....

                                                  (  காதோரம் காதல்....)

தெருவோரம் நான் தூங்க
என் விழி நீரில் பயிர்  வாழ
உனக்கென்ன பெண்ணே சொல் என்
உயிர் மூச்சைக் கொண்டு சென்றாயே .....

கனக்கின்ற இதயத்தில் இங்கே
உனக்காகவே   நான் வடித்த
கவிதைக்குள் அர்த்தப்  பாரம் அதை
இறக்கத்தான்   துடிக்கின்றேன் நீ
எனக்காகப் பிறந்தாயோ.... போ ..போ போ ....

மலைப் பாம்பு போல் உன் ஆசை என்
மனதை  விழுங்கிச் செல்லத்தான்
தடு மாறுதே என் உள்ளம் இருளானதே .....
விடியாத பாதைகள் விரிகின்றதே அதில்
போதை இன்றி நெஞ்சம் அலை மோதுதே.........

கனாக் காணும் உள்ளங்கள்  உலாப் போகுதே ....
நிலா கூட என்னைக் கண்டு இடம்மாறுதே ....
இதுதான் உன் காதல் தந்த பாடம் இனிக்
கண்ணில் கங்கை ஓடும் .........புது ராகம்
உனைச் சேரும் அதில் சோகம் எனதாகும் .........
அது போதும் போதும் போதும் பெண்ணே இங்கே .................

                                                             (  காதோரம் காதல்....)
தமிழ் களஞ்சியம் - தமிழ் வலை திரட்டி.

11/10/2012

இயற்கை வளங்களை வாழவைப்போம்


வானம் குடை பிடிக்க
வண்ண நிலா ஒளி கொடுக்க
பூமித் தாயின் மடி மீது
பூப்போல் உறங்கிய காலம் எங்கே!....

எந்நாளும் மாறும் காலநிலை
எதை எதையோ சொல்லிச் செல்கிறதே!....
இந்த மாற்றம்தானோ இவ்வுலகுக்கு
முற்றுப் புள்ளி வைக்கப் போகிறது !!!....

தேனும் பாலும் ஊறிய தேசம்
திகைத்துக் கிடக்குது இந்நாளில்
ஏழை மனிதன் வாழ்வுக்குகந்த
இயற்கை வளங்கள் எங்கே சொல்!....

காலம் போகிற போக்கினிலே
கல் மழையும் பெய்யும் வியப்பில்லை
இங்கு தானாய்த் தோன்றிய இயற்கையதைத்
தகர்த்து எறிந்தால் பின் வாழ்வேது !!!!.............

ஓலைக் குடிசை தந்த சுகம்  நாம்
உயர உயரப் போனாலும் அது
கானல் நீரே எம் வாழ்வில் இனியும்
வெறும் கல்லை நம்பி வாழாதே !.......

பூவும் காயும் தந்த மரம் இந்தப்
பூமித் தாய்க்கு வழங்கும் சுகம் இதை
எந்நாளும்  பறித்தால் வரும் அழிவுக்கும்
நாமே காரணம் என்றிருப்பான் ஏன்!!!!!.....
தமிழ் களஞ்சியம் - தமிழ் வலை திரட்டி.

11/03/2012

நீலம் புயல் அநீதியை அழிக்காதோ!!!!....


தூது சொல்ல இங்கு யாரும் இல்லையே
தூவிடும் மண்மழை தாங்கமுடியவில்லையே....
போதும் போதும் இந்தப் புவிதனிலே என்றும்
பொய்யுக்கு மட்டுமே வாழ்வு சிறப்பதென்ன!.....

எம் ஆவி துறப்பதும் ஆண்டவன் கையிலே
இனி  நீதி கேட்பதும்  யாரிடம் சொல்லிங்கே!!!.......
வாதிகள் நாமும் வலுவிளந்தோமே பெரும்
நீதிக் கொலைஞர்கள் நெஞ்சை நிமித்துகையில்......

ஆதியும் அந்தமும் அறிந்திடவே  வல்லமை
யார் தருவர் இங்கு யாசிக்குதே  நல் உள்ளமே.....
இந்தச் சோதனைக் கடலை நீந்திக் கடக்கவும்
சொல் இங்கு ஓர் வழி எம் தெய்வமே !.............

பாவிகள் என்றும் அப்பாவிகளாய் உன்
பாதமே சரணம் என்றுவக்க நல்ல
போதனை செய்தே பொட்டு வைத்தாய் இன்னும்
இப் புவிதனில் இயமனையும்  ஏனோ விட்டு வைத்தாய் !!!...

காற்றடித்த பந்து இது கால்வாயிலோ
கல்லிலோ முள்ளிலோ எங்கு விழுமோ
நேற்றுவரை இந்த உண்மை தெரியாமலே
நித்தமும் நாம் இங்கு பட்டது போதும் என்றுதான்

சுற்றிச் சுழன்று சூறாவளி போல்
சுத்தப்படுத்த நீயும்  இங்கு வந்தாயோ !!!!..........
வெட்டி முறித்து வேரோடு அநீதியை உன்
கட்டுப் பட்டினில் இனியேனும் கட்டி வைத்து விடு.......
தமிழ் களஞ்சியம் - தமிழ் வலை திரட்டி.

11/01/2012

பிறந்தநாள் வாழ்த்துப் பாடல்



மனம் இனிக்கப் பேசும் முல்லை
மலரே இங்கு உன்னை வாழ்த்த
வெண்ணிலவை நானளைக்கவோ ஓஓஓ ஓஓ .....
விடி வெள்ளிகளால் மாலை கோர்க்கவோ .....

மானே எந்தன் மாங்குயிலே .....
தேனே.... எந்தன் திகழொளியே ...
நீயே... எந்தன் யீவனடா ...
எந்நாளும் இங்கு நீ வாழ
என்னுயிரை நான் கொடுத்து
வாழ வைப்பேன் !¨..உன் மடியில்
நான் தவழக் காத்திருப்பேன் !.........

                                                  (   மனம் இனிக்கப் )

பூவே இளம் பூவே உந்தன்
உள்ளம் அது வெள்ளை என
இந்த ஊரும் உலகும் போற்றும்போது
உன்னால் நானும் மகிழ்வேனே ......

வீரம் வேண்டும் நெஞ்சினிலே
வெற்றி என்றும் உனதாக நல்ல
ஞானம் வேண்டும் மகனே உந்தன்
வாழ்க்கை என்றும் சிறப்பாக .....

கோலம் போடும் கண்ணாலே என்னைக்
கொள்ளையடித்துச் செல்பவனே ......
எந்நாளும் இன்பம் பொங்கிடவே
இந்நாளில் நாமும் வாழ்த்துரைப்போம்....

ஆலம் விழுது போல் உன் வாழ்வு
அன்பால் உறுதி கொள்ளட்டும்
உள்ள காலம் முழுதும் உன்பெயரை
அந்தக் காலன்கூட சொல்லி மகிழட்டும் ...

ஏழை எளிய மக்கள் எல்லாம்
இவன்போல் துணைவன்  இல்லை என்று
நாளை இந்த யுகமே போற்ற
நலமாய் வாழ வாழ்துரைப்போம் .....

                                                  (   மனம் இனிக்கப் )                                          
தமிழ் களஞ்சியம் - தமிழ் வலை திரட்டி.