உருகுது உருகுது மனமிங்கே.........

உருகுது உருகுது மனமிங்கே 

வெள்ளிப் பனி போல

நனையுது நனையுது விழி இங்கே 

உன்னால்த்தான் அன்பே! 
அன்னைபோலே வந்தவளே 

அன்புருவாய் நின்றவளே 

என்னைவிட்டு எங்கு சென்றாய் 

என்னருகே வந்துவிடு 

.................................(உருகுது உருகுது .....)

சோலைக் குயில் பாடவில்லை 

 சொந்தங்களும் தூங்கவில்லை 

காலைமுதல் மாலைவரைக் 

கண்கள் இங்கே மூடவில்லை 

ஆலை இட்ட செங்கரும்பாய் 

ஆனதெடி என் மனசு

எண்திசையும் சுற்றி வந்தேன் 

எங்குமில்லை உன்னுருவம் 

வெண்ணிலவைத் தூதுவிட்டேன் 

வீதி எங்கும் தேடவிட்டேன் 

செண்பகமே செண்பகமே ஒரு 

சேதி சொல்லு காற்றிடத்தில்....

.................................................(உருகுது உருகுது ...)