கொன்றால் தீருமோ உயர் சாதி வெறி!....

கொடியிடை நெளிந்தாட
ஒரு நொடிதனில் மனம் அலை பாய
இது என்ன மோகம்!............
இரு விழிகளின் தாபம்!!!.....

அவளில்லையேல் இங்கு நான் இல்லை
நான் இல்லையேல் அங்கு அவள் இல்லை என
இரு மனங்களும் சதிராட அந்த
இறைவனும் படைத்தானே!.............

இது என்ன இறைவனின்  தவறா!...
இல்லை இயற்கையின் தவறா!...
உலகமே மயங்குது விடை தெரியாமல் இதில்
உனக்கென்ன கோவம் ஏதும் அறியாமல்!...

தலைகளைக் கொய்திடும்  மனிதனே
உன் தவறினை ஒரு கணம் நினையாயோ!!....
பிற உயிர்களை வதைத்திட நினைப்பவனே
அதன் அருமையும் பெருமையும் அறிவாயோ!...

இன வெறி மத வெறி கொண்டலையும்
உனக்கிங்கு அன்பு கிடையாது
விழிகளில் ஓடும் நீராலும் உன் மனம் அது
இளகிடும் என்பதும் பெரும் தவறாகும் !!!.....

உனக்கென வந்து பிறந்தாளே
உன் உதிரத்தில் உடலை  வளர்த்தாளே
எதற்கென நீயும் நினைத்தாயோ
இன்னலைத் தந்து உயிர் பறிப்பவனே!....

இரு மனங்களை மனங்கள் ஆதரித்தால்
இயற்கையும் அதற்க்கு வழி விடுமே
பிணம் தின்னும் ஆசை உனக்கெதற்கு
மனிதன் பிறப்பது என்பதே இங்கு வாழ்வதற்கு.

சாதிகள் இரண்டேதான் இங்கிருக்கு
உன் சங்கடம் எல்லாம் அயலவரே
யார் எவர் என்ன நினைப்பாரோ என
ஜாதகம்  பார்த்து நீ இனியும் அழியாதே!!....